Hálft ár liðið

Sæþór Ingi er hálfs árs í dag. Alveg ótrúlegt hvað tíminn er fljótur að líða. Þetta er síðasta vikan mín hér heima og við tekur alvara lífsíns, eða svoleiðis . Sæmi tekur við húsmóðurstarfinu *heppin ég* og ég sest á skólabekk ekki í fyrsta sinn ehemm . Hann er nú reyndar líka byrjaður í skólanum þannig að veturnn verður strembinn hjá okkur. En það reddast

Drengurinn orðinn þvílíkt duglegur farinn að sitja eins og greifi og veltir sér og snýr í allar áttir. Farinn að fara upp á hnén og þá er nú stutt í að hann fari að skríða. Farinn að rífa og tæta allt sem hann nær í er meira að segja farinn að toga dúka af borðum þegar hann er í göngugrindinni. Þannig að næst á dagskránni hér er að gera heimilið barnvænna.. Stundum veit ég ekki til hvers ég er að setja undir hann teppi þegar hann liggur á gólfinu hann er kominn útaf því um leið.

Sumarið hjá okkur var yndislegt vorum mikið í Eyjum og fórum norður með viðkomu á Hvammstanga og alla leiða á Akureyri þar sem við kíktum á landsmót skáta "eitt sinn skáti, ávallt skáti"  og fórum svo á ættarmót á Heimalandi. Ekki ná svo gleyma veiðiferðinni sem við fórum inn í Veiðivötn.  Sæþór unni sér bara nokkuð vel í tjaldi en við förum nú vonandi meira næsta sumar.

Er þetta ekki bara nóg í bili

Við biðjum kærlega að heilsa